A artista galega raze presenta a súa proposta con dous primeiros singles, “brumbrum” e “mágiK”.
“brumbrum” é unha peza de electrónica visceral e minimalista que marca o debut de raze cunha declaración de intencións. A canción fusiona unha produción industrial, con influencias do Vogue beat, cunha voz que oscila entre o íntimo e o provocador, creando unha paisaxe sonora que evoca movemento e transformación.
O título onomatopeico suxire unha viaxe, reflectindo o momento de cambio da artista. Cunha estrutura non convencional e unha estética visual coidada. A súa lírica habita a noite, xogando coas máscaras, o corpo e o desexo, convidando en cada escoita a unha experiencia transformadora.
“mágiK” é unha exploración de raze que combina elementos da música caribeña con pop electrónico e música tribal, para crear unha atmosfera envolvente.
A produción etérea entrelázase cunha lírica introspectiva, convidando a unha viaxe sensorial e emocional. A canción destaca pola súa capacidade para evocar imaxes e sensacións, funcionando como un feitizo sonoro que conecta o terreal co espiritual.
“mágiK” consolida a proposta artística de raze, mostrando a súa habilidade para crear obras que transcenden o musical e convértense en experiencias inmersivas.
