“in.tu” é unha viaxe sonora e lingüística que nace da morriña pola lingua galega. A partir dese sentimento, a canción reinterpreta o idioma desde unha mirada propia, fusionándoo cun retrouso en inglés que tende unha ponte entre o local e o internacional.
O tema xorde durante unha das residencias creativas do EP ºoº en Mykonos e toma forma entre Vigo e Madrid. Xunto ao produtor Marrit, a artista constrúe unha canción enérxica sobre o amor e o desexo, abordados desde un prisma imaxinativo e esperanzador. A mestura corre a cargo de Pablo Martín (rusowsky, Ralphie Choo, Amaia).
Agora, “in.tu” dá un novo paso coa estrea da súa peza audiovisual, unha proposta que amplía o universo creativo da canción e acompaña visualmente unha historia que conecta identidade, emoción e modernidade.
ºoº é o EP debut de raze, artista multidisciplinar queer de Vigo, cuxa proposta transita entre o pulso nocturno do club, os ritmos caribeños e o pop contemporáneo.
Este EP explora a transformación, o desexo e o movemento desde un universo onde conviven corpo, imaxe e son. Cunha proposta lingüística híbrida, co uso do galego, inglés e castelán, raze tende unha ponte entre o local e o internacional, e , constrúe unha paisaxe sonora onde a enerxía rave, a sensibilidade melódica e a experimentación conviven en tensión constante.
raze investiga a tensión entre opostos —o orgánico e o electrónico, escuridade e luz, intimidade e provocación, levada ao directo nunha proposta escénica expandida onde o compoñente visual, o corpo e a experiencia inmersiva ocupan un papel central.
Entre as súas referencias conviven Arca, The Beatles, Rosalía, Caroline Polachek, Charli XCX ou SOPHIE, trazando unha proposta onde club, emoción e experimentación dialogan.
raze estará presentando o seu novo EP ºoº en directo durante o 2026, consulta as datas aqui.
