Melodiam é un dúo con raíces galegas e base en Berlín. Almudena e Carlota crean o seu imaxinario a través da dirección de arte, produción e composición dos seus propios proxectos.

Desde o seu enfoque urbano, Melodiam toma inspiración de melodías globais, creando unha proposta sonora diversa e envolvente. O seu carácter diferenciador radica na capacidade de fusionar influencias internacionais cun estilo auténtico, ofrecendo unha experiencia que destaca pola súa orixinalidade e riqueza cultural.

Melodiam celebra a diversidade, a autoexpresión e o poder da música para unir ás persoas.  Música urbana que abarca desde vibrantes festas de reguetón queer, pasando por himnos ao empoderamento así como cancións máis experimentais.

O seu directo as fixo gañadoras do concurso Conxefest en Vigo en setembro de 2024.

Tras xirar por Arxentina e Chile, continúan traballando en novas cancións con diferentes produtores internacionais. Un repertorio feminista, reivindicativo e empoderador, co que ofrecen unha experiencia visual e sonora cautivadora, adaptada aos tempos de cambio nos que vivimos.