A banda muradá Lisdexia continúa consolidando o seu mellor momento cunha nova xira de verán que os levará por salas e festivais de toda Galicia nos próximos meses. Tras esgotar entradas en Compostela e presentar o seu celebrado EP “Esclavos do Baile“, o grupo confirma agora novas datas en localidades como Combarro ou Sarria.
O cartel da xira inclúe paradas en escenarios xa emblemáticos da escena galega, combinando salas e festivais ao aire libre, nun directo que converteu a Lisdexia nunha das propostas máis incendiarias e festivas do panorama actual. Cunha mestura de garage, punk-pop, retranca e espírito verbeneiro, a banda segue ampliando público grazas a un repertorio cada vez máis orientado ao baile e á conexión co público.
Ademais, a banda anunciará novas datas próximamente.
Formados en Muros, Lisdexia evolucionaron desde un rock máis directo ata unha fórmula propia onde tamén teñen cabida o funk, o pop e referencias á música tradicional galega. O seu último traballo, “Esclavos do Baile“, consolidounos como unha das bandas emerxentes con maior proxección dentro da nova escena galega.
