“google calendar” é o primeiro sinxelo do novo traballo de Filloas que se publicará ao longo de 2026.
Esta canción reafirma unha sonoridade enmarcada no hyperpop, no que o artista é pioneiro en Galicia. Este potente hit enmárcase dentro dun mesmo universo, con referencias ás películas de Matrix, o anime e á novela de Momo, representado nun videoclip de Xaime Miranda e nunha portada ilustrada baseada no mesmo.
“google calendar” trata da rutina e como non podemos escapar dela, exemplificándoo nunha eterna loita entre unha personaxe maligna (que representa á rutina) que se enfronta á nosa protagonista deixando un final pouco esperanzador.
Filloas é un artista da nova escena sonora galega, cuxa proposta musical fará que non poidas parar de bailar e moverte. Os seus animados ritmos van acompañados de letras das que xorden reflexións persoais, tratando temáticas xeracionais, a saúde mental, as relacións persoais e a festa.
O artista ven de estrear “súbete ao EVA” (ALENDE/Altafonte, 2025), álbum que captura o espírito dunha xeración conectada e creativa. Actualmente, prepara o lanzamento dun novo EP, onde o son electrónico que Filloas xa viña adiantando colle forma nun proxecto que promete non ter precedentes.
