22 minutos” é o primeiro sinxelo inédito do álbum de Filloas “súbete ao EVA”. Trátase dun potente hit de hyperpop no que se fai unha declaración de intencións acerca do novo son do artista: pop urbano cheo de electrónica con moitas, pero que moitas, referencias á cultura de internet, memes e videoxogos.

Pese a ser o único tema de amor de Filloas, o baile e os ritmos acelerados continúan a ser una constante nesta canción. O nome da canción fai referencia ao videoxogo “Outer wilds”, como se ve na portada con Filloas sobrevoando o espazo nunha nave.

No videoclip desta canción, dirixido por Xaime Miranda, Filloas leva a cabo accións cotiás cun traxe de astronauta.

Músico, fanático dos videoxogos, e de toda a Internet das cousas, sobre todo dos memes, Filloas trae ritmos novos á música urbana en galego.

Coa festa por bandeira, buscando sempre crear sorrisos e transmitir unha mensaxe positiva, Filloas crea composicións tinguídas dunha retranca e identidade propia moi características que o fan un artista inconfundible.

“22 minutos” foi mesturada por Luis Antelo en Estereoarte, e masterizada por Carlos Hernández en El Castillo Alemán. A portada é obra da ilustradora galega @tsukinoshoujo